სწორად შერჩეული სურნელის მეშვეობით, იცვლება მომხმარებელთა ქცევა, იზრდება მათი სივრცეში დაყოვნების დრო, 15%-ით იზრდება გაყიდვების მაჩვენებელი, ყალიბდება ბრენდის იდენტობა და ერთხელ შესული ვიზიტორი გადაიქცევა ბრენდის ლოიალურ მომხმარებლად.

მაგალითად სურნელოვანი სანთლები და მათი არომატები განსხვავდება თავისი შემადგენლობითა და ზეგავლენით: ზოგიერთი სურნელი ხელს უწყობს რელაქსაციას; ზოგიერთი – კონცენტრაციას და ა.შ.

სასტუმროს მფლობელები სურნელს, ძირითადად, არჩევენ მდებარეობის მიხედვით. მაგალითად: მთის კურორტებზე სასტუმროებში უმეტესად იგრძნობთ ტყის სურნელს, რათა ხაზი გაუსვან, რომ ბუნებაში ხარ. სანაპირო ზოლში მდებარე  სასტუმროები კი იყენებენ ტროპიკულ ან ქოქოსის თავბრუდამხვევ სურნელს. სასტუმროს გასურნელება უამრავი მსგავსი სარგებლობის მომტანი შეიძლება იყოს.

სპორტულ დარბაზებსა და ფიტნეს ცენტრებს შორის კონკურენცია ძალიან დიდია და უპირატესობის მოსაპოვებლად ერთ-ერთი გზა უნიკალური და დასამახსოვრებელი სურნელის ჩართვაა. ფიტნეს ლობისთვის შესაფერისი არომატი აქვს პიტნის, ჟასმინისა და ციტრუსის ეთერზეთებს. ინტენსიური კარდიო და სპინინგის ვარჯიშები მოითხოვს ენერგიას, რომლითაც ლიმონისა და ტროპიკული ხილის ნოტები დაგვმუხტავს.

ბანკები და ფინანსური ინსტიტუტები, ძირითადად, ირჩევენ თავიანთი ლოგოს შესაფერის სურნელს. მაგალითად, თუ ფორთოხლისფერია ლოგო, უპირატესობას ანიჭებენ ფორთოხლის ციტრუსოვან არომატს. ელიტარული კონცეფციის ბანკები ხშირად სივრცეს ასურნელებენ თამბაქოსა და ტყავის ნოტების შემცველი ეთერზეთებით, რომელიც ფუფუნებასთან ასოცირდება.

სილამაზის ცენტრები და სპა სალონები მუდმივად ზრუნავენ შექმნან მშვიდი ატმოსფერო, რათა მომხმარებელი განიტვირთოს და თავი იგრძნოს გაჯანსაღებულად. ასეთ გარემოს ქმნის  მწვანე ჩაის, პიტნისა და ლავანდის არომატები. სპა მასაჟის დროს იდეალურია აგრეთვე კედარის ან თუნდაც პოპულარული სანდლის ხის სურნელოვანი ჩხირები.

საცალო მაღაზიებმა 1970-იან წლებში დაიწყეს პირველი სურნელოვანი დიფუზორების გამოყენების ექსპერიმენტი. მაიამის Zimmerman Advertising-ის აღმასრულებელი კრეატიული დირექტორის Zev Auerbach-ის თქმით, სივრცის გასურნელების შექმნის იდეა მდგომარეობს იმაში, რომ შერჩეული სუნამო აღვიძებს გამოსახულებებს, რომლებიც ემოციურად არის დაკავშირებული პროდუქტთან. მისივე სიტყვებით: „თუ მაღაზიაში ხედავთ საცურაო კოსტუმს და იგრძნობთ ოკეანის სურნელს, უფრო მეტად მოგინდებათ კოსტუმის ყიდვა და დასასვენებლად წასვლა. ეს არის ნახვისა და სურნელის კომბინაცია.“

ბოლო გამოკითხვების მიხედვით, სურნელის გამოყენება ბარებსა და რესტორნებში გაყიდვებს 40%-ით ზრდის. რაც უფრო მეტადაა მადისაღმძვრელი არომატებით გაჟღენთილი სივრცე, მით მეტი შეკვეთა შედის სამზარეულოსა თუ ბარში.

სასიამოვნო სურნელი 40%-ით აუმჯობესებს განწყობას. არომატიზირებულ სივრცეში მომსახურე პერსონალიც ბედნიერია, შესაბამისად, იზრდება სერვისის ხარისხი.

მნიშვნელობა არ აქვს, რა ტიპის კომერციულ საქმიანობას ეწევით, ინდივიდუალურად შერჩეული და თქვენზე მორგებული არომატი, ანუ გემოვნებიანი ეთერზეთებით არომატიზაცია  ნებისმიერი კომერციულ საქმიანობას,  აუცილებლად აქცევს წარმატებულ და შემოსავლიან ბიზნესად.